Ռուսաստանի նախագահ Վլադիմիր Պուտինի հարցազրույցը «Միր» միջպետական  հեռուստառադիոընկերությանը

Ռուսաստանի նախագահ Վլադիմիր Պուտինի հարցազրույցը «Միր» միջպետական հեռուստառադիոընկերությանը

Ռուսաստանի նախագահ Վլադիմիր Պուտինի հարցազրույցը «Միր» միջպետական հեռուստառադիոընկերությանը.

Фото: МТРК «Мир»
13 июн 19:31

Հարց. Բարի երեկո, Վլադիմիր Վլադիմիրովիչ:

Ուզում եմ շնորհակալություն հայտնել, որ համաձայնեցիք այս հարցազրույցին:

Մենք Ձեզ հետ հանդիպում ենք Ղրղզստան Ձեր այցի նախօրեին, որտեղ տեղի կունենա Շանհայի համագործակցության կազմակերպության`ՇՀԿ գագաթնաժողովը:

Մեր հեռուստառադիոընկերությունը հեռարձակվում է այս կազմակերպության գրեթե բոլոր անդամ պետությունների տարածքում (բացառությամբ Չինաստանի): Հետևաբար, մենք գիտենք, որ մեր հեռուստադիտողների մեծամասնության համար ՇՀԿ-ն ինչ-որ լավ բան է:

Այնուհանդերձ նրանցից շատերը չեն կարողանում նույնիսկ ասել, թե ի՞նչ է այս կազմակերպությունը և ինչի՞ համար է: Հակիրճ կբացատրե՞ք մեր հեռուստադիտողին,  թե ինչ է ՇՀԿ-ն, և այս փուլում Ռուսաստանը և նրա դաշնակիցները ինչպիսի առաջադրանքներ են ներկայացնում այդ կազմակերպությանը:

Վ. Պուտին.  ՇՀԿ-ն 1990-ականների կեսերին բնական ստեղծված միջազգային կազմակերպություն է, և դա կապված  է  եղել Ռուսաստանի, Չինաստանի եւ նախկին ԽՍՀՄ մի շարք այլ հանրապետությունների` Տաջիկստանի, Ուզբեկստանի, Ղրղզստանի միջև սահմանային խնդիրների լուծման աշխատանքների հետ:

Եվ հետո, երբ այս աշխատանքը հաջողությամբ ավարտվեց և տվեց իր  գործնական լավ արդյունքները, մենք բոլորս եկանք այն եզրակացության, որ այս ձևաչափը կարելի է ոչ միայն պահպանել,  այլև  դրան տալ նոր կարգավիճակ: Մասնավորապես` կազմակերպության կարգավիճակ, որը կզբաղվեր  հարաբերությունների զարգացման ամենատարբեր ուղղություններով և գործունեության տեսակներով:  Այդպես էլ եղավ:

Այդպես է ստեղծվել կազմակերպությունը, իսկ հետո արդեն  աշխատանքի ընթացքում պարզվեց, որ այն առաջադրանքները, որոնք իր առջև դնում է, հարցեր  որոնք  լուծում է, գրավիչ են  նաև տարածաշրջանի այլ երկրների համար: Այդ իսկ  պատճառով շատ ուրիշ պետություններ՝ արդեն 18 երկիր, տարբեր կարգավիճակներով՝ և՛ որպես կազմակերպության լիիրավ անդամ, և՛ որպես դիտորդ միացել են նրա աշխատանքներին:  Այսպիսով, ՇՀԿ-ն դարձել է բավականին լուրջ տարածաշրջանային կազմակերպություն:

Հարց. ՇՀԿ-ն Չինաստանի նախաձեռնությամբ ստեղծված կազմակերպություն է: Վերջերս Սանկտ Պետերբուրգյան տնտեսական ֆորումի ընթացքում Դուք խոսեցիք Չինաստանի Ժողովրդական Հանրապետության դեմ ԱՄՆ-ի կողմից առևտրային պատերազմի թեմայով: Դուք այն ժամանակ ասացիք, որ Ռուսաստանը այն խելացի կապիկն է, որը ծառ է բարձրացել և դիտում է հովտում երկու վագրերի բախումը: Դուք ի՞նչ նկատի ունեիք:

Վ. Պուտին. Նախ, ՇՀԿ-ն որպես կազմակերպություն ստեղծվեց ոչ թե Չինաստանի նախաձեռնությամբ, այլ իմ նշած սահմանային հարցերով բանակցություններին մասնակցած բոլոր երկրների նախաձեռնությամբ: Բայց առաջին հերթին նախաձեռնողները Ռուսաստանն ու Չինաստանն էին, այո` միասին: Բայց մեր բոլոր մյուս գործընկերները իրավահավասար մասնակցություն ունեցան և այդ կազմակերպության ստեղծմանը և աշխատանքներին:

Ինչ վերաբերում է առևտրային պատերազմներին և իմ կատակին, երբ ես չինական ասածվածքը  հիշեցի, Դուք, ըստ երևույթին, ուշադրություն չդարձրեցիք, ինչպես այն ավարտեցի: Ես ասացի, որ մենք ապրում ենք բարդ աշխարհում: Այն ժամանակից ի վեր, երբ ծնվում էին այդ ասացվածքները, իրավիճակը լրջորեն փոխվել է, և այսօր Ռուսաստանի և Չինաստանի միջև հարաբերությունները ունեն կարևոր նշանակություն թե՛ մեր երկրների, թե՛ համաշխարհային հանրության համար ամբողջությամբ. ես այդ մասին կարող եմ ասել առանց ավելորդ չափազանցության:

Ըստ էության, եթե պատասխանեմ Ձեր հարցին, ապա իհարկե, վեճ է գնում աշխարհի խոշորագույն տնտեսությունների միջև: Եվ այնտեղ շատ առանձնահատուկ  հարցեր կան:

Չինաստանը ամբողջ աշխարհի, այդ թվում ԱՄՆ-ի  համար ապրանքների արտադրության մի հսկա գործարան է: ԱՄՆ-ն այնտեղ է տեղադրում իր արտադրությունները, ստեղծում աշխատատեղեր: Միևնույն ժամանակ, երբ Չինաստանի Ժողովրդական Հանրապետությունը վաճառում է իր ապրանքները արտաքին շուկաներում, այդ թվում զգալի ծավալով ամերիկյան շուկայում, ստացված հասույթի նշանակալի մասը պահում է ամերիկյան արժեթղթերում: Այդ երկու երկրների  միջև հարաբերությունները շատ առանձնահատկություններ ունեն:

Եվ, իհարկե, նույնիսկ ողջամտության տեսանկյունից մենք ոչ մի պատճառ  չունենք միջամտելու այդ բանակցային գործընթացին: Բայց,  և այդ  «բայցը » ունի շատ լուրջ նշանակություն:   Ինչ նկատի ունեմ: Նախ մենք իսկապես աննախադեպ լավ և բարձր մակարդակի հարաբերություններ ունենք Չինաստանի հետ: Մենք իսկապես ռազմավարական գործընկերներ ենք այդ բառի բոլոր իմաստներով: Մենք համագործակցում ենք տնտեսական, հումանիտար ոլորտներում տարածաշրջանային մակարդակով, համագործակցում են մեր ԱԳՆ-երը և պաշտպանության նախարարությունները:

Համընդհանուր խաղաղության և անվտանգության պահպանության համար  մենք նշանակալից ներդրում ունենք: Եվ ոչ միայն այն տարածաշրջանում, որտեղ գտնվում են մեր պետությունները, այլև ամբողջ աշխարհում, որպես ՄԱԿ-ի անվտանգության խորհրդի մշտական անդամներ, մենք համակարգում ենք մեր գործունեությունը:

Ցավոք, նման բան մենք չենք կարող  ասել ԱՄՆ-ի հետ մեր հարաբերությունների մասին: Դրանք (հարաբերությունները) վատանում են, դառնում են ավելի վատ ու վատ: Վերջին տարիներին  ԱՄՆ գործող վարչակազմը, Ռուսաստանի հանդեպ ընդունել է պատժամիջոցների հետ կապված մի քանի տասնյակ որոշումներ:

Իսկ Չինասատանի հետ, ընդհակառակը, մեր ապրաքնաշրջանառությունն աճում է` հասնելով 108 միլիարդ դոլարի: Մեր առջև մենք խնդիր էինք դրել հատել 100 միլիարդի շեմը, այն արդեն 108 միլիարդ դոլար է:

Շատ լավ հարաբերություններ ունենք Չինաստանի առաջնորդի՝ ՉԺՀ-ի նախագահի հետ: Դա նույնպես իր մեծ նշանակությունն ունի, քանի որ վստահության մթնոլորտ է ձևավորում: Եվ, իհարկե, այս պայմաններում մեր  համակրանքը  մեր ռազմավարական գործընկերների կողմն է, ինչը այդպես էլ պետք է լիներ:

Եվ առաջին հերթին, նույնիսկ այն պատճառով, որ տասնամյակների ընթացքում ձևավորված միջազգային տնտեսական հարաբերությունների ներկա ճարտարապետության ոչնչացման հետ կապված ցանկացած գործողություն, մեր խորը համոզմամբ, վնաս է հասցնում ամբողջ տնտեսական գործունեության մասնակիցներին:

Հետևաբար, մենք մեծ հույս ունենք, որ վերջ ի վերջո կհաղթի ողջամտությունը: Մենք մեր բոլոր գործընկերների, ներառյալ ամերիկյան, հույս ունեմ, որ առաջիկա «Քսանյակի» (G20) շրջանակներում, կկարողանանք որոշակի լուծումներ գտնել, որոնք կառուցողական կլինեն, կստեղծեն կայուն պայմաններ տնտեսական համագործակցության ոլորտում:

Հարց. Ղրղզստանից հետո անմիջապես Դուք այցելելու եք Դուշանբե: Այնտեղ աշխարհի երկրների գրեթե կեսի ղեկավարները հավաքվելու են  Ասիայում վստահության և անվտանգության միջոցառումների վերաբերյալ խորհրդակցության: Ըստ Ձեզ, ո՞րն է այդ միջազգային ձևաչափի կիրառական նշանակությունը:

Վ. Պուտին. Սա լայն ձևաչափ է, որն առաջացել է Ղազախստանի առաջին նախագահ Նուրսուլթան Նազարբաևի նախաձեռնությամբ: Սա ևս մեկ լրացուցիչ հարթակ է, որտեղ տարածաշրջանի երկրների ղեկավարները կարող են միասին հավաքվել և խոսել այն իրավիճակից, որը ձևավորվում է ասիական հսկայական տարածաշրջանում: Այն վերաբերում է Մերձավոր Արեւելքին, Հարավային Ասիային:

Այստեղ կան բազմաթիվ հարցեր և խնդիրներ, որոնք հատուկ ուշադրություն են պահանջում՝ սկսած իսրայելապաղեստինյան կարգավորման կարծրացած խնդիրներից, վերջացրած Աֆղանստանի, Իրանի և Իրանի միջուկային ծրագրից, Հյուսիսային Կորեայի և նրա միջուկային ծրագրից և այլն և այլն: Հարցերը շատ են:

Իհարկե, մեզ մտահոգում են նաև  Մերձավոր Արևելքի խնդիրները, բայց ոչ պակաս մտահոգում է այն ամենը ինչ կապված է Իրանի միջուկային ծրագրի, Հյուսիսային Կորեայի հետ: Մենք հատկապես ուշադիր հետևում ենք Աֆղանստանում տեղի ունեցող իրադարձություններին: Ի միջի այլոց, այստեղ մենք բավականին ակտիվ ենք և, իմ կարծիքով, համագործակցուm ենք աշխարհի շատ երկրների, այդ թվում `Միացյալ Նահանգների հետ, որոնք այնտեղ որոշակի ծանրաբեռնվածություն են կրում և պահպանում են իրավիճակը Աֆղանստանում:


Մենք անում ենք մեր ներդրումը, և ես հուսով եմ, որ մեր համատեղ աշխատանքը այդ ուղղությամբ, այս փուլում, լավ արդյունքներ կտա: Բայց ընդհանուր առմամբ, ես ևս մեկ անգամ կրկնում եմ, որ կցանկանայի Ձեր հարցն ավարտին հասցնել նրանով, ինչից սկսել ենք: Բազմաթիվ հարցեր կան, որոնք կլինեն մեր քննարկման առանցքում:

Հարց. Եթե խոսենք Ղազախստանի մասին, Ղազախստանում  նոր նախագահը   Կասիմ-Ժոմարտ Տոկաևն է: Ասացեք, խնդրեմ, ինչպե՞ս եք տեսնում Ռուսաստանի համագործակցության հեռանկարները Ղազախստանի նոր ղեկավարության հետ:

Վ. Պուտին. Առաջինը, նախագահ Տոկաևը սովորել է Մոսկվայում, նա լավ գիտի Ռուսաստանը: Ես ունեմ բոլոր հիմքերը հավատալու, որ նա այն մարդն է, ով անխոս կշարունակի այն կուրսը, որը սկսվել  է Ղազախստանի առաջին նախագահ Նուրսուլթան Աբիշեվիչ Նազարբաևի կողմից. այն է` հետագա մերձեցումը Ռուսաստանի հետ, մեր դաշնակցային, բառի ամբողջ իմաստով, հարաբերությունների ձևավորումը բոլոր ուղղություններով՝ և՛ արդյունաբերության, և՛ գյուղատնտեսության, և՛ գիտելիքահենք ուղղությունների մեջ, օրինակ`տիեզերքը:

Մենք ունենք մեծամասշտաբ նախագծեր: Հուսով ենք, որ այն ամենը, ինչ մենք նախատեսում ենք, կկատարվի: Ես հիմքեր չունեմ հավատալու, որ այստեղ մեզ սպասում են անհաջողություններ:

Հակառակը, հավատում եմ, որ մեր երկրների միջև ապրանքաշրջանառության աճը, իսկ դա մշտապես աճում է, մեր հարաբերությունների բազմակողմանի, բազմաշերտ զարգացումը, երկրների միջև համագործակցության նոր հնարավորությունները, և ուղղակի մարդկային մակարդակով՝ քաղաքացիների միջև հարաբերությունները միայն կբարելավվեն:

Մարդկանց միջև միլիոնավոր շփումներ և կապեր ունենք: Եվ սա մեր համագործակցության հումանիտար մասն է, ինչը շատ կարևոր է: Այստեղ և սոցիալական հարցերն են, և այն ամենը, ինչ կապված է  սոցիալական ապահովության հետ և այլն:

Սրանք ենթակառուցվածքային հարցեր են, ընդ որում, ոչ թե երկկողմանի, այլ եռակողմ, քառակողմ ձեւաչափերով: Շատ մեծ, ես կասեի, հավակնոտ ծրագրեր, նախագծեր, որոնք վստահ եմ կիրականացվեն:

Հարց. Պետերբուրգյան ֆորումի ընթացքում, Դուք առաջին անգամ Վլադիմիր Զելենսկու՝ որպես Ուկրաինայի նախագահի, գործունեությանը գնահատական տվեցիք: Այժմ այնտեղ նոր նախընտրական քարոզչության շրջան է, այս անգամ խորհրդարանական: Արդյո՞ք սա նշանակում է, որ Ռուսաստանի և Ուկրաինայի հարաբերություններում կրկին դադար է տրվել:

Վ. Պուտին. Կխնդրեի ինձ վրա չբարկանալ, քանի որ ես ստիպված եմ Ձեզ մի քիչ շտկել: Պետերբուրգի ֆորումի ժամանակ ես ոչ մի գնահատական չեմ տվել Զելենսկու գործունեությանը, քանի որ առայժմ ոչ մի գործունեություն չկա: Ես դա չէի կարող  անել այս օբյեկտիվ հանգամանքի պատճառով: Նա պարզապես նոր սկսում է աշխատել:

Իմ սեփական փորձից գիտեմ՝ նույնիսկ հասկանալու համար այն խնդիրները, որոնք կանգնած են նրա առջև,  շատ ժամանակ կպահանջի: Հուսով եմ, որ նոր կարգավիճակին հարմարվելը կանցնի բավականաչափ արագ:

Ինչ վերաբերում է Ուկրաինայի հետ մեր փոխգործակցությանն, ապա ես արդեն բազմիցս խոսել եմ այդ մասին և կարող եմ ևս մեկ անգամ կրկնել՝ կարծում եմ, որ դա անխուսափելի է, այո, անխուսափելի է, որ մենք վերականգնենք մեր հարաբերությունները: Չի կարող այսպես շարունակվել մեկ ժողովրդի երկու հատվածների միջև, երկու եղբայրական ժողովուրդների միջև:

Անկախ նրանից, թե ինչպես են ձևավորվել անցյալ քաղաքական էլիտաների հետ մեր հարաբերությունները, այն մարդկանց հետ, ովքեր իրենց ամբողջ գործունեության ընթացքում կարևորում էին անձնական հաջողությունները և անձնական շահերը, Ուկրաինայի ժողովրդի հաշվին կուտակած կապիտալն արտասահմանում պահելով և այդ իսկ պատճառով արևմուտքը սիրելով, հուսով եմ, նոր ղեկավարությունը նման սահմանափակումներ չունի և ազատ է զգում, ունենալով այն վստահությունը, որ Ուկրաինայի ժողովուրդը ցույց է տվել նորընտիր նախագահին, կկարողանա ակտիվորեն գործել և՛ Ուկրաինայի ու Ռուսաստանի միջև հարաբերությունները վերականգնելու ուղղությամբ, և՛ ներքին խնդիրների լուծման ուղղությամբ: Եվ Ուկրաինայում ներքաղաքական, տնտեսական և սոցիալական հարցերից խուսափելու համար, ռուսատյաց քաղաքականություն չի վարի:

Հարց՚. «ՄԻՐ»-ը հեռարձակվում է Ուկրաինայի հարևան Մոլդովայի տարածքում ևս: Այժմ այդ երկրում քաղաքական ճգնաժամ է, իրական քաղաքական ճգնաժամ: Ինչպես եք գնահատում քաղաքական իրավիճակը այժմյան Մոլդովայում:

Վ. Պուտին. Կարծում եմ, որ Մոլդովայում յուրահատուկ իրավիճակ չէ:

Բայց ավելի ցուցադրական է, որովհետև Մոլդովայում իշխանությունը, ինչպես նաև Ուկրաինայում եղել է ամբողջովին և այդ բառի ամբողջ իմաստով զավթված օլիգարխիկ կառույցների, օլիգարխների կողմից, որոնք իրենց ձեռքն են վերցրել ամբողջ պետական համակարգը, բացարձակապես ամեն ինչ՝ և՛ իրավապահ ոլորտը, և՛  խորհրդարանը, և՛ ամեն ինչ, ինչ ձեռնտու է: Այսինքն Մոլդովայի ժողովրդի հաշվին գումար վաստակեցին և օգտագործեցին նրան, որպեսզի ամրապնդեն իրենց անձնական բարեկեցությունը և ազդեցության լծակները պետության վրա:

Ահա այն, ինչ հիմա արվել է նախագահ Դոդոնի կողմից և նրա նախկին հակառակորդների կողմից, պայմանականորեն ասած, արևմտամետ կուսակցությունների կողմից, այնուամենայնիվ, դա քայլ է դեպի լիարժեք, քաղաքակիրթ, ժամանակակից պետություն կառուցելու ուղղությամբ:

Մենք անպայման կաջակցենք և՛ նախագահ Դոդոնին, և՛ նրա ներկայիս կոալիցիոն գործընկերներին, որպեսզի նրանք վերջ ի վերջո ազատվեն, ինչպե՞ս կարելի է ավելի քաղաքակիրթ ձևով արտահայտվել, ընդհանրապես այն մարդկանցից, որոնք վերջին ժամանակներս զավթել են իշխանությունը Մոլդովայում, չնայած որոշ ներքին հնարավոր հակասություններին, այնուամենայնիվ իրենց մեջ ուժ կգտնեն համատեղ աշխատելու՝ ելնելով մոլդովական պետության և մոլդովացի ժողովրդի շահերից: Եվ մենք, անխոս, կպաշտպանենք նրանց:

Հարց.  «ՄԻՐ»- հեռուստառադիոընկերությունը շատերն անվանում են ԱՊՀ միասնական  տեղեկատվական տարածքի ձևավորման առանցքը: Ինչպես եք Դուք տեսնում մեր ընդհանուր տեղեկատվական տարածքի զարգացման հեռանկարները:

Վ. Պուտին.  Սա շատ կարևոր ոլորտ է:

Նախ, տեղեկատվական տարածքը պետք է բաց լինի: Այդտեղ պետք է լինի նվազագույն քանակով տարբեր տեսակի սահմանափակումներ: Եվ եթե դրանք կան, դրանք պետք է կապված լինեն բացառապես անվտանգության և որոշակի համընդհանուր ընդունված բարոյականության տարրերի հետ և այլն:

Ընդհանուր առմամբ, դա պետք է լինի հնարավորինս բաց տեղեկատվական տարածություն, որպեսզի տեղեկատվության բոլոր աղբյուրները լինեն պաշտպանված, հարգված և կարողանան արդյունավետ աշխատել: Եվ այս կոնտեքստում՝ դրանք որքան ավելի քիչ քաղաքականացված լինեն, այնքան լավ: Տեղեկատվությունը պետք է տարածվի: Ազատությունը այն մարդկանց շահերը չէ, ովքեր տարածում են այն, այլ այն քաղաքացիների, ովքեր օգտագործում են այդ տեղեկատվությունը:

Ես մեծ հավատ ունեմ, որ ինֆորմացիայի փոխանցումը կլինի հետաքրքիր, իմաստալից , և մեր բոլոր երկրների քաղաքացիները կկարողանան օգտագործել այն, որպեսզի ավելի լավ հասկանան միմյանց, զգան այն, ինչ կատարվում է հարևանների հետ և օգտագործեն այն  հաջողված փորձերը, որոնք կիրառվում են մեր պետություններում:



ДРУГИЕ НОВОСТИ ПОЛИТИКИ